HAPPY BIRTHDAY,VAN DAR SAR!!!!

Ajax vanglaia an goalkeeper tha a ni a,a upat hnuah Manchester United goalkeeper ropui a la ni thei a,Netherlands tana khel hnem ber a ni bawk.Kum 35 mi anih tawh hnu,kum 2005 khan pound maktaduai 2 lekin United a zawm a,kum 2008-09 season khan khawvela goal chhuah lo rei ber record siamin minute 1,311 chhung goal a venghim.United tana a khelhin game tinah goal 0.74 chhuah ang a ni a,a goal ven 51% ah a 'clean sheet' a ni.A hunlaiin BPL chawi thei upa ber niin tum 4 a chawi a,UCL final khel thei upa ber ani mai lo a,goalkeeper zinga game 50 clean sheet thei hmasa ber ani.Community Shield 3,League Cup2,UCL leh Club World Cup te min chawipui bawk.Best European Goalkeeper leh Dutch Footballer of the Year ah tum 4 ve ve thlan a ni tawh a,PFA Team of the Year ah vawi 3,UEFA Club Goalkeeper of the Year,Euro 2008 Team of the Tournament leh chawimawina dang tam tak a dawng tawh.2007 FA Cup final a Chelsea player te penalty pet a dansak te leh 2008 UCL final a Nicholas Anelka penalty a dansak te kha kan hre reng tawh ang.A chanchin kan sawi mek Edwin Van Dar Sar hian kum 43 a tling ta!! HAPPY BIRTHDAY

TAWI NAWI

MANCHESTER UNITED PLAYER OF THE MONTH AH ROONEY

Wayne Rooney chu September thla Club Player of the Month atan thlan a ni a,he lawmman dawng tur hi manutd.com leh twitter kaltlangin fans ten an thlang thin a ni.September thla chhung khan Rooney hian United tan game 5 khelin goal 5 a thun a.He lawmman kaltlanga a pawisa dawn chu charity atan a pek thu a puang nghal a ni.

BRYAN ROBSON A AWM MAI MAI LO

Manchester United history a captain ni rei ber leh club ambassador te pawh lo ni tawh Bryan Robson chuan MU Foundation tana sum thawkchhuak turin United defender hlui bawk Kevin Moran leh team member 28 te nen October ni 17 hian Africa khawmualpuia tlang sang ber Mount Kilimajaro lawnchhuah an tum ta rup mai!!! He project atanga an sum hmuhte chu UNICEF bakah hnuchham enkawna Francis House leh cancer veite tana din Christie Charity tan an pe dawn a ni.

ENGLAND NATIONAL TEAM AH UNITED PLAYERS

2014 FIFA World Cup Qualifying round game 2 khelh hmabak la awmah England coach Roy Hodgson chuan Man United players Chris Smalling,Phil Jones,Michael Carrick,Tom Cleverly,Wayne Rooney leh Danny Welbeck te a ko.England hian October ni 11 ah MOntenegro tumin October ni 15 ah Poland nen World Cup Qualifying a an game hnuhnung ber an khel ang.Hetihlai vek hian England U-21 team lamah pawh Michael Keane,Wilfried Zaha,Jesse Lingard leh NIck Powell te koh an ni bawk.Anni hian 2015 European U-21 Championship Qualification ah San Marino(10th Oct) leh Lithuania(15th Oct) te an hmachhawn dawn a ni.