Manchester United No.7: Tunge ropui ber?

Kum 1878 a din,Manchester United club history ah hian jersey no.7 hian hmun pawimawh tak a chang a,player bik te hak tura ngaih a ni.Tun thleng hian player ropui tak2in he no.7 hi namen lo in an lo larpui tawh a,amaherawhchu zawhna tawp theilo chu "Heng player te zingah hian tunge ropui ber" tih a ni.I han bihchiang dawn teh ang-

1.George Best

Pele Good,Maradona better,George Best an lo tih hial,he player ropui hi Red Devil zinga European Player of the Year ni hmasa ber  a ni a,he club din chhung hi chu a hming a dai tawh lo ang.Kum 15 mi lek anih laiin Bob Bishop an a hmuchhuak a,hetih laia United manager Sir MAtt Busby a hnenah thirhrui thawnin "I think I've found a Genius" a ti hial a ni.Kum 17 mi lek anih laiin United tan a khel tan a,League tilte 1 leh European tilte 1 lak puiin,kum 1974 khan club a chhuahsan a,hetih lai hian kum 27 mi a ni."The fifth Beatle" an lo tih he player ropui hian United tan game 466 khelin goal 178 a khung a ni.

2.Steve Coppell

Tranmere Rovers atanga kum 1975 a Tommy Docherty an a lakluh Steve Copell hi player ball thiam leh tlanchaka sawi a ni a.A thatzia tichiangtu chu kum 1977 leh 1981 inkar khan a zawn zatin game 207 a khel a ni.Liverpool University atanga Economics degree nei ngat he right winger hi a vanduai a,England tana a khelhna ah hliam na tak a tawk a,kum 28 mi lek niin football a chawlhsan ta a ni.

3.Bryan Robson

Manchester United history a captain ni rei ber leh England manager Bobby Robson a pawhin 'Captain Fantastic' a lo tih hian Bryan Robson hi winger ni lo zinga no.7 ha hmasa ber a ni a.Kum 1981 khan British recoed fee ni turin West Brom atangin Old Trafford ah a lut a,United tan game 461 khelin goal 99 a thun.Bryan Robson a chanchin kan sawi apianga sawi hmaih loh tur chu kum 1983 FA Cup Final kha a ni awm e.Kum 30 chhunga FA Cup Final a hattrick siam thei hmasa ber anih laiin goal 2 a khung hnuah penalty chu pet duh lo in,Arnold Muhren-a a kian a,4-0 a chakin United Captain zinga FA Cup tum 3 chawi thei hmasa ber a ni bawk.Kum 1994 khan United chhuahsanin Middlesbrough a zawm a,kum 1996 khan football a chawlhsan a ni.

4.Eric Cantona

King Eric a chanchin hi chu sawi thui vak a ngai awm lo e,inkhelh laia kawr nghawng thleh loh te kha a larpui hle anih kha.Kum 1992 a Leeds United atanga pound maktaduai 1 lekin United zawmin,Fergie Babes a hote zingah hotu chan a chang thiam hle a,United a kum 5 a cham chhungin nomawi a chawi zing malh2 hle a.Kum 1995 a Crystal Palace fan a kung-fu kick khan football khawvel barakhaih mahse Old Trafford faithful ten amah an hmangaihna a reh chuanglo.Kum 30 mi lek niin football chawlhsan mahse tun thlengin United player ropui an sawi apiangin sawi hmaih a ni ngai lo.

5.David Beckham

A vanglai na na na kha chuan he pa tluka player lar kha khawvelah an awm bik chuang lo.Cantona chawlh hnuah no.7 rochunin a larpui hem2 hle a.A hmelthatna leh ball pet thiamna te chuan khelmual chhung leh pawn lamah nasa takin hlawhtlinna a hmu a.A tet laia Bryan Robson a pheikhawk hru faitu niin United captain in a fuihna hi a hlawkpui thei hle niin a sawi.English football a a hlawhtlinna kan sawi vek seng lovang a,FIFA World Player of the Year ah tum 2 lai pahnihna a lo ni ve tawh tih chu sawi tal hram teh ang.

6.Cristiano Ronaldo

Khatia David Beckham an United a chhuahsan khan jersey no.7 chu hak lohin a awm ta a.Sprting Lisbon atanga an lakluh kum 18 mi lek Ronaldo chu manager chuan eng number nge a hak duh a zawt a.A ni chuan a club hluia a hak thin no.28 ngei a duh thu a sawi a.Sir Alex a erawh chuan no.28 ni lo in no.7 a hak tur thu a hrilh a.Chuta tang chuan hnung lamah a hawiikir tawh lo.Khelmual pawnah Beckham a thlak zo lo mahse khelmual chhungah na na na chuan a thlak zo mep2 hle a.Chawimawina leh hmingthatna tinrengin a um emaw tih tur ani a,Kum 40 hnuah United player zinga European Footballer of the Year ni leh hmasa ber a ni bawk.

November 19,2011.