GREATEST MANCUNIAN XI

Man Utd club statistician Cliff Butler an Mancunian(Manchester khawchhuak) zinga United player ropui ber ber a thlan te hi tarlang ve hrim hrim teh ang(chhiar in awm tawh maithei na a)

Goalkeeper:Jack Crompton(1945-1956)

Sir Matt Busby a first-choice goalkeeper,kum 1945-1956 Man utd tana khel Jack Crompton hi United tana mi rinawm ber pawl ani a.Kum 1948 FA Cup Champion zingah telin United ah hian trainer leh interim manager te a lo ni tawh a.Tunah hian kum 91 mi niin a la dam a,1948 FA Cup final match khel zinga la dam awmchhun niin United player hlu ber te zing ami ani tawh awm e.

Defender:Shay Brennan(1957-1970)

Man Utd history a hming dai tawh lo tur Shay Brennan a hming hi kan hre tawh em?? United tana a game hmasa ber chu Munich disaster hnua club game hmasa ber Sheffield Wednesday(19th Feb 1958) kha niin he game ah hian goal 2 thunin hei vang ngawt pawh hian hriatreng a va phu em!!! Tin,Brennan hi English player zinga Republic of Ireland tana khel hmasa ber ani bawk.

Defender: Roger Byrne(1951-1958)

A hming ringawt hriat pawha lungtileng,Munich Air Disaster vanga a leithuam hlip ta,Busby Babes vanglaia United captain Roger Bryne tluka he list a tel phu hi an awm kher lo vang.Munich Air Disaster ah khan a nun chan lo se a fa hmasa ber Roger Jr. pawh a hmu hman ve tur.Player talented tia sawi tur ni lo mahse a inpekna leh thawhrimna avangin hriatreng ani kumkhua tawh ang.United tan 1952,1956 leh 1957 ah te league ah champion in FA Cup Runners Up trophy a chawi bawk.

Defender:Dick Duckworth(1903-1914)

Man Utd tana vawi 200 chuang khelin 1908 League champion leh 1909 FA Cup champion a nihpui bawk.Charlir Roberts leh Alec Bell te nen United tlarhnung rinawm niin inhliam vangin kum 1915 ah a chawl.

Defender:Wes Brown(1996-2011)

Ani hi chu a chanchin sawi belh ngai lo in kan hre vek awm e.Inhliam vang leh a 'form' tawk loh vangin hmunlum chang tamlo mahse fans te ngainat ber zing ami erawh ani chiang hle.

Midfielder:Nobby Stiles,MBE(1960-1971)

Mancunian chhulchhuak zinga player tha berte zing ami Nobby Stiles hian United tan game 300 chuang khelin England tan 1966 World Cup trophy a chawi bawk.United a a khelh chhunga European Cup leh FA Cup te a lakpui a,English player zinga Bobby Charlton leh Ian Callaghan tih loh a World Cup leh European Cup chawi tawh awmchhun ani bawk.

Midfielder:Nicky Butt(1992-2004)

Fergie's Fledgings vanglaia player pawimawh Nicky Butt hi hrelo kan awm awm lo e.United tan kum 12 zet a khelh hnuin club dang a zawm leh a.Amaherawhchu professional football a chawlhsan hnuin a ekna ngaia e leh turin Reserve Team coach niin Old Trafford a pan.

Forward:Danny Welbeck(2008-

Tunhnaia United rawlthar tha leh duhawm berte zing ami a hmingpum Daniel Nii Tackie Mensah Welbeck ni teh duah hi Ghaninan nu leh pa kara piang ni mahse a ram leilung fa ani ve tlat.Hmasawnna tur tamtak la nei mahse United player ropui berte zingah a inhlangkai thei ang em tih hi zirmite zawhna chu a ni.

Forward: Dennis Viollet(1953-1962)

Busby Babes zing ami leh Munich Air Disaster damchhuak Dennis Sydney Violett hian domestic league bikah United tan game 293 ah goal 179 a thun a.Kum 1962 khan mak tak maiin Stoke City lamah hralh a ni a.Kum 1999 March ni 6 khan a boral.

Forward:Brian Kidd(1867-1974)

English footballer zinga sulhnu ngah tak,Brian Kidd hian United tan bakah Arsenal leh Manchester City,etc tan a lo khel tawh a.Assistant manager hna Man Utd tan leh England tan a thawh hnuin tunah hian hmelma hlun City tan a thawk mek.Kum 1968 European Cup final khan Benfica lamah pet goalin a kum 19 tlin champha ni bawk nen,a theihnghilh tawh bik kher awm lo e.

Forward:John Aston Junior(1965-1972)

Kum 1968 European Cup final a United champion puitu zing ami John Aston Junoir hian domestic league ah United tan game 155 khelin goal 25 a thun a.Player tha leh ropui tia sawi tur ni lo mahse a pa John Aston Sr nen United tana khelpha an nih ve ve avangin ngaihnep ngawt chi an ni lo ang.

November 23,2012