Kum 1982-83 season tan dawn khan Sharp Electronics chuan sponsorship hmasa ber ni turin kum 5 chhung atan £500,000 in an sponsor tan a. Hei hi kum 1999-2000 thleng daih niin a hnuah Vodafone chuan kum 4 chhung atan £30 million in an sponsor ve leh a. Tichuan kum 2006-07 season tan dawn khan American Insurance Company AIG chuan £56.5 million in kum 4 chhung deal an siam leh a, hemi sponsorship vang hian Manchester United chu kum 2006 September thla khan khawvela club hlutna ngah ber(most valuable club) ani chho ta ani.
Kum 2010-11 season tan dawn khan American Insurance Company tho AON chuan kum 4 chhung atan £80 million velin an sponsor leh a, hei hi khawvel football history ah chuan club jersey sponsorship profit la ngah ber ani. Kum 2011, August thla khan Manchester United chuan an training Kit sponsorship hmasa ber ni turin kum li chhung atan bawk DHL nen £40 million nen contract an sign leh a, hei hi English Football a training kit sponsor hmasa ber niin an sawi bawk ani. Manchester United kit siamtu (manufacturer) hmasa ber chu Umbro niin kum 1975 khan kum 5 daih contract Admiral Sportswear nen an sign bawk ani. Kum 1992 a Umbro rawn indinthar leh hma kum 1985 kha chuan Adidas in contract hi an chhunzawm thung a ni.
Tichuan Umbro in kum 10 zet an sponsor hnu chuan Nike in an sponsor veleh a. Nike nena an contract hi £302.9 million niin record ani bawk ani. Nike in a an sponsor tirh kum 2 chhung khan jersey hi 3.8 million vel an hralh niin an sawi bawk. Nike nen hian kum 2015 thleng contract an nei ani. Hei bakah hian lower-level sponsor Chevrolet leh Budweiser te an nei bawk ani.Kum 2015 a Aon contract a zawh hunah chuan Genral Motors chuan $80million in an sponsor veleh dawn a, hemi contract hi Kum 2012, July 30 khan an lo sign tawh ani. Hemi contract hi kum 7 chhung atan chuan $559million vel a hlutna ani dawn a, General Motors brand Chevrolet logo a chuang tawh dawn bawk ani.
Post tha tak a ni. Documents tling a ni. SHARP leh Vodafone hi a ngaihawm khawp mai...
ReplyDelete