KAN MI PAWIMAWHTE :

President - Sir Bobby Charlton 
Director - Sir Alex Ferguson
Manager - David Moyes 
Coaches - Steve Round, Ryan Giggs, Phil Neville, Gary Neville
Global Ambassador - David Beckham
Reserves Coach - Nicky Butt
Ist Team Coach - Jimmy Lumsden
Goalkeeping Coach - Chris Woods

- Xara Manutd Khawlhring

“Man United-in Inrintawk Min Zirtir.” – Pique

FC Barcelona defender, Gerrard Pique chuan mahni inrintawk hlutna leh tangkaina chu Manchester United-a a awmlaia a zirchhuah a nih thu a sawi.

Kum 26-a upa, Pique hian kum 2004 khan Barca academy, La Masia atangin United hi a zawm a, kum li a awm hnuin, 2008-ah Catalan club-ah hian a let leh a ni.

Kum 4 pumhlum Old Trafford-a a awm lai hi, Rio-Vidic vanglai tawpkhawp kha a ni a, khelhna hmun leh hun a chang meuh lo a ni. Mahse, World XI squad mawitu, Pique hian kha kum li khan tuna Pique-a diktak hi a siam a ni, tiin a sawi thung tlat. 

MANCHESTER CITY Vs MANCHESTER UNITED PREVIEW

Sunday 8:30pm LIVE on ESPN
Refree:Howard Webb

Pathianni zan inkhawm banah thingpui hang dawm pahin 'SUPER SUNDAY' diktak kan hmu dawn e.Kar hmasa Premier League-ah United hian 2-0 a Crystal Palace an hneh hnuin UCL lamah chakna an chang leh a,hetihlai hian Stoke City laka chakna an chan zawhloh hnuah UCL lamah City an in siamtha bawk.United lamah Rafael,Phil Jones leh Danny Welbeck te an chiang lo a,amaherawhchu tunhnaia 'form' em em mai Rooney leh RVP an neih miau avangin thlaphan tur a awm lo ang.City lamah Gael Clichy a ,inhliam a,damkawr Kompany,Richards leh David Silva te chu an khel thei tura ngaih an ni thung.

MANCHESTER UNITED SHIRT SPONSORSHIP :

 Kum 1982-83 season tan dawn khan Sharp Electronics chuan sponsorship hmasa ber ni turin kum 5 chhung atan £500,000 in an sponsor tan a. Hei hi kum 1999-2000 thleng daih niin a hnuah Vodafone chuan kum 4 chhung atan £30 million in an sponsor ve leh a. Tichuan kum 2006-07 season tan dawn khan American Insurance Company AIG chuan £56.5 million in kum 4 chhung deal an siam leh a, hemi sponsorship vang hian Manchester United chu kum 2006 September thla khan khawvela club hlutna ngah ber(most valuable club) ani chho ta ani.

BPL Player Assist Nei Tam 10-te :

Khawvela football league entu ngah ber, Barclays Premier League-ah hian world class player tam tak an awm a, mahse, heng player tha ber bera kan ngaihte hi thiante tih goal tura siamsak(assist) hnemtu erawh an ni vek kher lo.

Khawvel huap player tha nia kan sawi thinte hi a tuldan a zira duhthlanna siam thiamte an ni thin. Mahnia tih goal theih reng nia lang pawh, amah aia rem zawk an awm chuan a pe mai thin a, mahnia tih hun nia a hriat chuan harsa chung chung pawhin a keng tlang mai thin.

Tuna ka rawn tarlan turte hi kum 2007 hnulama Premier league-a assist ngah ber berte an ni :

10. Antonio Valencia (34) :



Antonio Valencia hi Real Madrid hnena Christiano Ronaldo an hralh hnuin Manchester United chuan Wigan Athletic atangin kum 2009 khan an leichhuak a ni.

“UCL-ah Kan Champion Thei.” - Vidic

Manchester United captain, Nemanja Vidic chuan Manchester chu tun season-ah UEFA Champions league champion an nih theih thu a sawi. Amaherawhchu, hemi thleng tur hian nikum lama lo phatsan tawhtu ‘Vanneihna’ chuan a tanpui ve deuh hlek chu a ngaih thu a sawi.


Red Devils hian David Moyes-a hnuaiah bung thar an kai mek a, an hmelma kumhlun Manchester City leh Chelsea lakah an premier league tilte an hum zo angem, tih chu zawhna lian tak a ni.
Nimahsela, United captain chuan United chu an premier league title hum mai bakah UCL trophy pawh chawi tura a tawp rak thlenga bei thei an nih thu a sawi.

GREATEST MANCUNIAN XI

Man Utd club statistician Cliff Butler an Mancunian(Manchester khawchhuak) zinga United player ropui ber ber a thlan te hi tarlang ve hrim hrim teh ang(chhiar in awm tawh maithei na a)

Goalkeeper:Jack Crompton(1945-1956)

Sir Matt Busby a first-choice goalkeeper,kum 1945-1956 Man utd tana khel Jack Crompton hi United tana mi rinawm ber pawl ani a.Kum 1948 FA Cup Champion zingah telin United ah hian trainer leh interim manager te a lo ni tawh a.Tunah hian kum 91 mi niin a la dam a,1948 FA Cup final match khel zinga la dam awmchhun niin United player hlu ber te zing ami ani tawh awm e.

Defender:Shay Brennan(1957-1970)

Man Utd history a hming dai tawh lo tur Shay Brennan a hming hi kan hre tawh em?? United tana a game hmasa ber chu Munich disaster hnua club game hmasa ber Sheffield Wednesday(19th Feb 1958) kha niin he game ah hian goal 2 thunin hei vang ngawt pawh hian hriatreng a va phu em!!! Tin,Brennan hi English player zinga Republic of Ireland tana khel hmasa ber ani bawk.

Defender: Roger Byrne(1951-1958)

A hming ringawt hriat pawha lungtileng,Munich Air Disaster vanga a leithuam hlip ta,Busby Babes vanglaia United captain Roger Bryne tluka he list a tel phu hi an awm kher lo vang.Munich Air Disaster ah khan a nun chan lo se a fa hmasa ber Roger Jr. pawh a hmu hman ve tur.Player talented tia sawi tur ni lo mahse a inpekna leh thawhrimna avangin hriatreng ani kumkhua tawh ang.United tan 1952,1956 leh 1957 ah te league ah champion in FA Cup Runners Up trophy a chawi bawk.

Defender:Dick Duckworth(1903-1914)

Man Utd tana vawi 200 chuang khelin 1908 League champion leh 1909 FA Cup champion a nihpui bawk.Charlir Roberts leh Alec Bell te nen United tlarhnung rinawm niin inhliam vangin kum 1915 ah a chawl.

Defender:Wes Brown(1996-2011)

Ani hi chu a chanchin sawi belh ngai lo in kan hre vek awm e.Inhliam vang leh a 'form' tawk loh vangin hmunlum chang tamlo mahse fans te ngainat ber zing ami erawh ani chiang hle.

Manchester United No.7: Tunge ropui ber?

Kum 1878 a din,Manchester United club history ah hian jersey no.7 hian hmun pawimawh tak a chang a,player bik te hak tura ngaih a ni.Tun thleng hian player ropui tak2in he no.7 hi namen lo in an lo larpui tawh a,amaherawhchu zawhna tawp theilo chu "Heng player te zingah hian tunge ropui ber" tih a ni.I han bihchiang dawn teh ang-

1.George Best

Pele Good,Maradona better,George Best an lo tih hial,he player ropui hi Red Devil zinga European Player of the Year ni hmasa ber  a ni a,he club din chhung hi chu a hming a dai tawh lo ang.Kum 15 mi lek anih laiin Bob Bishop an a hmuchhuak a,hetih laia United manager Sir MAtt Busby a hnenah thirhrui thawnin "I think I've found a Genius" a ti hial a ni.Kum 17 mi lek anih laiin United tan a khel tan a,League tilte 1 leh European tilte 1 lak puiin,kum 1974 khan club a chhuahsan a,hetih lai hian kum 27 mi a ni."The fifth Beatle" an lo tih he player ropui hian United tan game 466 khelin goal 178 a khung a ni.

2.Steve Coppell

Tranmere Rovers atanga kum 1975 a Tommy Docherty an a lakluh Steve Copell hi player ball thiam leh tlanchaka sawi a ni a.A thatzia tichiangtu chu kum 1977 leh 1981 inkar khan a zawn zatin game 207 a khel a ni.Liverpool University atanga Economics degree nei ngat he right winger hi a vanduai a,England tana a khelhna ah hliam na tak a tawk a,kum 28 mi lek niin football a chawlhsan ta a ni.

NEPNAWI

*Lancashire and Yorkshire Railway hnuaia Carriage and Wagon department din Newton Heath NYR Football Club in 'recorded match' an khelh hmasak ber chu 20th November,1880 kha niin hemi tum hian Bolton Wanderers Reserves Team nen khelin 6-0 in an chak lo.

*Kum 1902 khan Newton Heath FC chu sum lamah nasa takin a tlachhia a,mahse sumdawng hausa John Henry Davis leh midangte puihna zarah an dingchhuak leh thei a.April ni 24,1902 ah Manchester United tiin club hming an thlak.

*Man Utd hi English club zinga European Cup khel hmasa ber an ni.

*Old Trafford hi kum 1910 atang khan hman tan niin tunah hian mipui 75,765 an leng a.England a stadium lianber dawttu(Wembley dawtah) a nih bakah Europe ah 11-na a ni bawk.Old Trafford hminglem 'Theatre of Dreams' tih hi Sir Bobby Charlton a phuah a ni.

SIR MATT BUSBY

Football khawvela hming dai tawh lo tur,sana in a ban a vai chhunga 'hmingmawi' ni kumkhua tur,a hming lamrik rual ruala rilrua Man Utd lantir nghal thei,Kumpinu chawimawina sang,Commander of the Most Excellent Order of the British Empire(CBE) leh Knight nihna nei,Sir Alexander Matthew "Matt" Busby hi um 1909 May ni 26 khan Alexander leh Nellie Busby te fapa neihchhun ni turin Scotland thingtlang khua,in 32 leh awmna Orbiston-ah a lo piang a.A piantirh hian amah chhartu doctor chuan "He inah hian footballer a piang ta" tiin anu hnenah a sawi nghe nghe.A pa hi lungalhthei khura thawk nimahse Indona I-na in nangchingin British Army a zawm a,kum 1917 April ni 23 khan hmelmate silaimu tuar lovin a nupui Nellie leh a fate 4 a kalsan ta a ni.A pa boral hnu kum 2-na lekah anu hian pasal dang Harry Mathhie a nei leh nghe nghe.

BATTLE OF THE LEGENDS: Van Der Sar vs Schmeichel

Khawvelah hian footballer tha tam tak an lo piang tawh a,footballer ropui bik pawh an awm.Football khawvel inhnialna tawp thei lo chu Manchester United siban nghaktu zingah Peter Schmeichel nge ropui Edwin Van Der Sar hi tih a ni..Theih ang angin Man Utd tan tunge ropui zawk hriat tumin in khaikhin dawn teh ang..

EDWIN VAN DER SAR:

Kum 1970 a piang,goalkeeper thami Edwin Van Der Sar hian Manchester United a zawm hmain Ajax,Juventus leh Fulham tan hlawhling takin a lo khel tawh a.Kum 2005 khan pound maktaduai 2 lekin kum 35 laia upa ni chungin Old Trafford a zawm a.Kum 2008-09 season khan khawvela goal chhuah lo rei ber(world cleen sheet record) siamin minute 1,311 chhung goal a chhuah lo a,Premier League a champion thei upa ber niin Man Utd hi Premier League ah vawi 4,League Cup vawi 2,Community Shield vawi 3 bakah Champions League ah leh Club World Cup ah vawi 1 ve ve a champion pui bawk.

Netherlands tana khel tam ber ni bawk Van Der Sar hian United tana a khelhin game tinah goal 0.74 chhuah ang a ni a,

UNSUNG HEROES

A thupui hi Mizo tawnga dah ka tum ngial a,ka thiamnain a tlin tlat lo.Football khawvelah hian player chi hrang hrang an awm a,naupangte an nih laia lar,ropui taka chawl zui ta an awm a,upat hnua lar te,beiseiawm taka ngaih zuzi chho ta pawh sawi tur an awm nual awm e.Goal khung thei te,thiamthil(talent) danglam bik neite hian fak leh hriatreng an hlawh fo a,chutihlaiin an hunlaia player tha leh tangkai tak ni si,hriat zui leh fak hlawh loh player an awm ve nual a,chung mite chu “unsung heroes” kan tihte hi an ni.Ziakmi hrang hrangin Manchester United Unsung Heroes nia an chhalte hi an chanchin tlangpui tarlang ang aw-

Ronny Johnsen- Pa lian,huaisen,tough,central midfield ah pawh chhawrtlak nia an sawi Norwegian defender Jean Ronny Johnsen hi kum 1969 June ni 10 khan a lo piang a.Kum 1996 khan Besiktas atangain pound maktaduai 1.2 in Man United a zawm a.United tan League title 4,FA Cup 1,FA Charity Shield,Intercontinental Cup leh Champions League title a hlawhchhuak a.1998/99 season a treble champion kan nih theihna tura player tangkai tak niin semi-final away game-a Juventus kan hnehna kha a career-a a khelh that ber ni hiala chhal a ni a,final ah Jaap Stam nen inkawpin minute 90 a khel bawk.Inhliamin a tlakbuak fo avang leh players tha dang an lo chhuak ve zel nen,2001/02 season zawhah free transfer in Aston Villa a zawm a,hemi hnu hian Newcastle United leh an ram club lar Valeranga ah te khel lehin kum 2008 khan a ballboot a khai ta a ni.United tan hian game 99 khel hmanin goal 8 a khung.

DUNCAN EDWARDS NGHILH LOH NAN

Kum 55 kal ta,vawiin ni ang khan mual a liam tawh mahse a hming hi football khawvelah chuan ‘hmingmawi’ a ni kumkhua tawh ang a,mi tamtak ti lungngaitu a ni fo bawk ang.”Boral lo ta se eng ang taka ropui nge a nih ang?” tih hi zawhna tawp thei lo,a chhanna tumahin an neih si loh chu a ni.Vawiin hian amah hritreng nan an khua Dudley a St.Francis Church-ah leh Dudley Museum & Art Gallery-ah te hun hman a ni ang.

Dudley khaw naupang chu:
Duncan Edwards hi kum 1935 October ni 1 khan Gladstone leh Sarah Anne Edwards te fa hmasa ber ni turin a lo piang a.Nau hmeichhia Carol Anne neiin vanduaithlak takin a nau erawh nausen a nih laiin a boral hlauh thung.A naupan tete ata football kherl chhoin kum 14 a nih chuan England School XI-ah a tel pha der tawh!!! A hnuah phei chuan captain atan ruat a ni ta hial a.Hetihali hian club tamtak mit a la tawh hle ,a thiamna chuan an mit it zawng hlah ngai lo Manchester United scout Jack O’Brien a beng pawh a lo thleng ve thuai a.Wolverhampton Wanderers,Aston Villa leh West Bromich Albion ten lakluh tuma an hel ve reng avangin amah duhsaktu England School Team manager Joe Mercer chuan Man United manager Sir Matt Busby hnenah Edwards chua lei turin a ngen ta hial a,tichuan a ropuina lamtluang zawh turin June ni 2,1952 khan ‘ameteur contract’ a sign ta.

RAWLTHAR BIHCHIANNA : LARNELL JAMES COLE

by Renga Sailo

LARNELL JAMES COLE hi 9 March 1993 khan a rawn piang a, naupang te ni si
player hmasawn chak tak a ni, ti ila kan sawi sual awm lo ve.

 Midfielder daih a ni mahse, hattrick te hial a rawn siam tlat zel hi a mak dangdai hle a, mite fak pawh a hlawh chho viau reng a ni. 

FELLAINI CHHUICHIANNA TAWI TE :

by Renga Sailo

Marouane Fellaini-Bakkioui hi November 1987 khan he Khawvel eng hi a rawn hmu ve tan a. Etterbeek Khua-ah rawn sei lianin R.A.E.C Mons, Royal Francs Borains leh Charlero S.C tante pawh a lo khel kual ve lawp lawp tawh a ni. 

FIFA 14 MAN UTD PLAYERS' RATINGS :

MAROUANE FELLAINI FIFA 14 POTENTIAL RATINGS :

RAWLTHAR BIHCHIANNA : SAM JOHNSTONE

Birthdate:	25 Mar 1993
Birthplace:	Preston
Position:	Goalkeeper
Reserve Appearances:
Reserve Goals scored:
Joined United:	01 Jul 2009

Sam Johnstone hi England rawlthar zinga singhak beiseiawm berte zinga mi a ni. Johnstone hi United Youth team ten ‘FA Youth Cup 2011’ an chawi tum khan si ban kham hnuaiah a ding nghe nghe a ni.

Amah hi goal keeper hma hun nei eng tak a nih avangin, vawi thum lai loan-a chhuahtir a ni tawh a, English league division hniam lamah chher hriam mek a ni. Oldham Athletic leh Scunthorpe United ah te loan-a kaltir a ni tawh a, tin, 2012/13 season kha Walsall lamah a hun a hmang bawk a ni.

“Ani hi kum hnih kal ta a, David De Gea-a goal keeper hmuh kha a ni tawh lo,” tiin United Goalkeeping coach hlui, Eric Steele chuan hma a sawn zia a sawi.

Johnstone hi England U-19 team captain a ni a, tin, U-21 squad-ah pawh a awm bawk a ni. Tin, ani hi Preston goal keeper hlui, Glenn-a fapa a ni.

SEPTEMBER THLA FIXTURES :

14 Sep	Premier League	Crystal Palace	H	05:15
17 Sep	UCL	Bayer Leverkusen	H	12:15
22 Sep	Premier League	Manchester City	A	08:30
25 Sep	Capital One Cup	Liverpool	H	12:15
28 Sep	Premier League	West Bromwich Albion	H	07:30

Mizo Manchester United Fans Blog-ah Intatlut Rawh :

He hmun hi Mizo Manchester United Supporters-te awmkhawmna hmun tur a ni a, khelmual zo zawka kan in zarpharhna tur a ni. He hmunah hian information pawimawh tak takte tarlan thin a ni bawk ang.

He hmun hi a neitu bik an awm lova, a intitatu apiang ta a ni mai. Tin, he hmun-a thu ziak duhte chuan Admin-te hnenah mahni email address inbox mai tur a ni ang. Glory Glory Man. United.